27 აპრილს, მარნეულში, ქვემო ქართლის განახლებულ რეგიონალურ ლაბორატორიას, საქართველოს სოფლის მეურნეობის მინისტრის მოადგილე იური ნოზაძე, აშშ-ს ელჩის მოვალეობის შემსრულებელი ნიკოლას ბერლინერი, მუნიციპალიტეტის გამგებელი მერაბ თოფჩიშვილი, ქვემო ქართლის გუბერნატორის მოადგილე კახაბერ გუგეშაშვილი და სხვა მოწვეული სტუმრები ეწვივნენ.

27 აპრილს, მარნეულში, ქვემო ქართლის განახლებულ რეგიონალურ ლაბორატორიას, საქართველოს სოფლის მეურნეობის მინისტრის მოადგილე იური ნოზაძე, აშშ-ს ელჩის მოვალეობის შემსრულებელი ნიკოლას ბერლინერი, მუნიციპალიტეტის გამგებელი მერაბ თოფჩიშვილი, ქვემო ქართლის გუბერნატორის მოადგილე კახაბერ გუგეშაშვილი და სხვა მოწვეული სტუმრები ეწვივნენ.

აღნიშნული ლაბორატორია საქართველოს და აშშ-ს მთავრობებს შორის გაფორმებული ხელშეკრულების საფუძველზე (თავდაცვის საფრთხის შემცირების პროგრამა) 2006 წელს ლაბორატორიის ნაწილი გარემონტდა და განახლდა თანამედროვე აპარატურით, ხოლო 2015 წელს აშენდა ახალი შენობა , მოხდა მისი თანამედროვე მატერიალური ტექნიკური ბაზით აღჭურვა.
ლაბორატორიში, რომელიც ქვემო ქართლის 7 მუნიციპალიტეტს(მარნეული, წალკა, დმანისი, თეთრიწყარო, ბოლნისი, გარდაბანი, რუსთავი) ემსახურება, დანერგილია ISO 9001-2008 ხარისხის მართვის სისტემა; რაც სოფლის მეურნეობის პროდუქციის წარმოების თვალსაზრისით ცხოველების ჯანმრთელობის მუდმივი კონტროლის საშუალებას იძლევა. აღსანიშნავია, რომ ამჟამად ლაბორატორიაში ცხოველთა დაავადებების დიაგნოსტიკის მიმართულებით 4 სპეციალისტი მუშაობს, რომელთა კვალიფიკაციის ამაღლება ბიოუსაფრთხოების პროგრამის ფარგლებში ჩატარებული სისტემატიური სწავლებების პერიოდში მოხდა. 
DTRA-ს მიერ განხორციელებული პროექტებიდან მარნეულის ლაბორატორია წარმოადგენს დასკვნით ნაწილს, რომლის შედეგედაც საქართველოს მასშტაბით 11 ლაბორატორიის შენობა განახლდა ან საერთაშორისო დონის აპარატურითა და სადიაგნოსტიკო საშუალებებით აღიჭურვა.