მარნეულის მუნიციპალიტეტის მერიაში, საქართველოში გაეროს წარმომადგენლებთან სამუშაო ფორმატის შეხვედრა გაიმართა.

მარნეულის მუნიციპალიტეტის მერიაში, საქართველოში გაეროს წარმომადგენლებთან სამუშაო ფორმატის შეხვედრა გაიმართა.

შეხვედრაზე განიხილეს საქართველოში გაეროს წარმომადგენლობით უწყებებსა და მარნეულის მუნიციპალიტეტს შორის არსებული თანამშრომლობის საკითხები, ადგილობრივი საჭიროებები და პრიორიტეტები.

ამასთან, პროექტის „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით “ფარგლებში, მრგვალი მაგიდის ფორმატის შეხვედრა გაიმართა.

პროექტს გაეროს ქალთა ორგანიზაცია (UN Women), პარტნიორ ორგანიზაციებთან ერთად - კახეთის რეგიონული განვითარების ფონდი (KRDF), ფონდი ტასო და ქეა კავკასია (CARE), შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) მხარდაჭერით ახორციელებს.

პროექტის მიზანია გენდერული ბიუჯეტირების დანერგვის ხელშეწყობა და ადგილობრივი ბიუჯეტირების პროცესში მოქალაქეთა ჩართულობის გაზრდა.

შეხვედრას მარნეულის მუნიციპალიტეტის მერის მოადგილე ზურა ფანგანი, გაეროს მუდმივი კოორდინატორი საქართველოში საბინე მახლი, გაეროს ლტოლვილთა უმაღლესი კომისარიატის (UNHCR) საქართველოს წარმომადგენლობის ხელმძღვანელი ქემლინ ფურლი, გაეროს მოსახლეობის ფონდის (UNFPA) საქართველოს ოფისის ხელმძღვანელი ლელა ბაქრაძე, გაეროს პროექტების მომსახურების ოფისის მრჩეველი პარტნიორობის საკითხებში ანა სეკულიჩ პრიბიჩევიჩი, მარნეულის მუნიციპალიტეტის მერიის ადმინისტრაციული სამსახურის უფროსი მამუკა შუბითიძე, ადგილობრივი თვითმმართველობის წარმომადგენლები, გენდერული თანასწორობის საბჭოს წევრები, თვითდახმარების ჯგუფები, გაეროს ქალთა ორგანიზაციისა და ფონდი „ტასოს“ წარმომადგენლები ესწრებოდნენ.