19 ოქტომბერს, 11:00 საათზე  მარნეულის სპორტული სკოლისა და ქვემო ქართლის ძიუდოს რეგიონალური ფედერაციის ორგანიზებით, თენგიზ ნავერიანის სახელობის ძიუდოს სკოლაში  გაიმართა ქვემო ქართლის  პირველობა ძიუდოში.  ტურნირში მონაწილეობა მიიღეს ქვემო ქართლის შვიდივე მუნიციპალიტეტის - მარნეულის, დმანისის, თეთრიწყაროს, გარდაბნის, რუსთავის, ბოლნისისა და წალკის წარმომადგენელი სპორტსმენებმა.   ტურნირში გაიმარჯვა ოცდაექვსმა  ძიუდოისტმა. სწორედ ესენი წარმოადგენენ ქვემო ქართლის ნაკრებ გუნდს, რომელიც მონაწილეობას მიიღებს  საქართველოს  ჩემპიონატში.